IQVIA-nın məlumatına görə STADA Azerbaijan şirkəti bir dəfəyə iki mükafata layiq görülüb

Əczaçılıq bazarının analitika və tədqiqatlar sahəsində dünya lideri olan IQVIA beynəlxalq agentliyinin təhlilinin nəticələrinə görə STADA şirkəti rəsmi olaraq Azərbaycanın reseptsiz preparatlar bazarının 2025-ci il üzrə lideri elan olunub.

Bundan əlavə, IQVIA həmçinin “Kardiomaqnil” preparatını 2025-ci il üzrə Azərbaycanın reseptsiz preparatlar bazarının lideri kimi tanıyıb.

“Bizim üçün bu sadəcə bir mükafat deyil, eyni zamanda STADA şirkətinin hər gün insanların həyat keyfiyyətini yaxşılaşdırmaq üçün çalışan bütün əməkdaşlarının və tərəfdaşlarımızın göstərdiyi səylərin layiqli nümunəsidir. İstehlakçılarımızın və həkimlərin bizə olan etimadına görə onlara minnətdarlığımızı bildirir və bu nailiyyəti gələcək inkişafımız üçün stimul kimi dəyərləndiririk” – deyə STADA şirkətinin Avrasiya nümayəndəliyində bildirilib.

2023-cü ildə Azərbaycan Respublikası bazarında ilk beynəlxalq əczaçılıq şirkətlərindən olan STADA şirkəti birbaşa olaraq STADA AG adlı hüquqi şəxsini təsis etmişdir. Bu, STADA şirkətinin Azərbaycana sadiqliyini və STADA şirkətinin regiondakı biznesinin genişlənməsində ölkənin oynadığı rolun əhəmiyyətini göstərir.

Şirkət dövlətin insan sağlamlığının yaxşılaşdırılmasına, o cümlədən əhali üçün keyfiyyətli və effektiv tibbi xidmətin əlçatanlığının artırılmasına yönəlmiş səylərini yüksək qiymətləndirir.